O título deste blog é unha referencia ao Monte Curota e á Serra do Barbanza, mirador desde o que pretendo observar e analizar o que acontece neste noso redor máis próximo. Pero tamén é un espazo de opinión sobre o que nos afecta e sobre inquedanzas personais. E, por suposto, é unha clara referencia a "La montaña mágica" de Thomas Mann, un dos meus libros favoritos.
"La crítica es el origen del progreso y las luces de la civilización" (La montaña mágica)
22 de septiembre de 2012
"Os Bolechas", estrelas da televisión
Os Bolechas "fichan" pola TVG!!! E nada menos que polo "Xabarín Club", programa que (non podo evitalo), relaciono irremediablemente coas aventuras de Son Goku, Ten Shin Han e compañía nesa repoñedísima serie manga que viamos tódolos adolescentes na miña época, "Bola de Dragón". A miña filla maior, que ten sete anos, non coñece a Son Goku, pero si a Pili, Sonia, Tatá.... e por suposto a Chispa, o can da familia. Durante a súa etapa en Educación Infantil, moitas foron as fins de semana nas que traballamos a lectura, a comprensión e a escritura dun xeito ameno grazas a esta obra de Pepe Carreiro. Os Bolechas se disfrazan, van á compra, celebran un aniversario e ata viaxan aos xogos olímpicos; recrean situacións cotiás. Logo de ler o libro que correspondese, facía a ficha ¡e pasaba un bo rato! Agora, en Primaria, xa non trae estas tareas, pero non perde ocasión de coller outra nova aventura dos Bolechas na biblioteca do colexio ou na municipal. Alégrome de que lle guste a lectura, de que lle guste ler en galego e de que estes personaxes protagonicen o salto á televisión. ¡Estas si que son unhas estrelas!
Suscribirse a:
Enviar comentarios (Atom)
No hay comentarios:
Publicar un comentario